陳美齡姐姐最近推出了一隻健康食品，需要一位形象之星，可是作為妹妹的她竟然沒有出手相助，笑説她不夠姐妹情深。
美齡説：「唔係我唔幫姐姐，係佢唔搵我。」
姐妹感情這般差嗎？
「唔係，佢話我貴，有好嘢都唔益我，你話我幾嬲哩！」
其實美齡不過是説笑，實際情況是她欲但不能。
「我已是一健康食品形象之星，不可吃兩家茶禮，所以幫不了她。」
縱是如此，美齡還是幫得便幫，她出力在日本為她找形象之星，以她在日本人緣看似容易，事實卻是苦煞她了。
「我姐姐要求好高，要年紀唔好咁大，外形要清新，又有知名度，當然最重要夠纖瘦，就算我做都唔得啦，我咁肥，係嘛！」
美齡為此找了過百人資料給姐姐看，結果千揀萬揀，揀了同成龍合作過「飛鹰計劃」的池田昌子。
美齡讚嘆説：「池田昌子真係好瘦，但瘦得來健康，我就唔得。」
美齡不時説自己肥，但眼前的她卻是很標準，而且她已是三子之母，不可能要求太高。
「我肥的位置大家看不到的，我肥在肚腩，我點做運動都瘦唔到，可能真的生過孩子，肚皮無咁結實之故。」
姑勿論如何，美齡還是個美麗的媽媽。
她笑得開心説：「那裡，不過，我想以後更加靚，希望姐姐能一世贊助我食佢隻健康食品，咁就一定會青春長駐。」
相信以她們姐妹的感情，為了妹妹靚，一定不會計較，免費請佢食一世哩！美齡肯定説：「咁一定會啦！但我覺得最重要係保持心境開朗，同埋要保持工作，工作有令人容光煥發之效，推動自己前進，所以就算屋企忙，我都要工作。」
最後問到美齡會否再追一個女兒？
「唔會，邊個保証包生女？」
訪客，本文章隱藏的內容需要積分高於 50 才可以瀏覽，你目前積分為 0 | 
發表於 2013-10-21 22:06
樓主
發表於 2013-10-22 05:17