【城市周刊 673期】三個仔不同國籍，陳美齡追女唔成再添丁

最后的乐园

又係一索呀！重以為會係一筒添！

各位可能會奇怪，甚麼一索、一筒呢？所講的，皆是陳美齡。

九月三十日早上，AGNES於舊山頂道嘉諾撤醫院誕下麟兒。BB重七磅，樣子似足父親金子力，長有一個筆挺的鼻子，都幾靚仔㗎！

婆婆與陳美齡一早已經為BB改了名。

「媽咪話叫定平，即係安定、和平咁解，我哋重諗咗個叫協平，因為第三個仔，所以揀有三個力字，又可以解協助和平。」

早十一日出世

由於定平這個名用日文發音唔多好聽，而協平個名就夠響亮，所以AGNES話多數會用協平呢個名。

三兄弟出世時，都有一個共通點，就是比預產期早出世。大哥和平與二哥昇平都剛巧早十日出世，至於弟弟就早十一日，果然係兄弟，連出世早啲都一樣。

陳美齡一直都堅持餵人奶，認為對BB有益。由於產後奶水不足，陳媽媽就專登煲一些薑飯及鷄酒給女兒，希望有幫助。

今次生小協平，陳美齡只是陣痛了三小時。原本AGNES預產期在十月十一日，丈夫金子力與兩個仔仔諗住九號才來港。丈夫一早已吩咐美齡，若感到陣痛就立刻打電話給他，結果三十號當日陣痛，致電金子力後，他就立刻帶住兩個仔飛來，到了醫院，BB已經出世了。

兩個哥哥分別九歲及六歲，見到小弟弟又會否呷醋？

「佢哋不知幾錫BB，臨走重好唔捨得添！」陳美齡説邊流露着一份母愛。

説也奇怪，陳美齡雖然歸化日本，但三名兒子都不是在日本出世的。大仔在加拿大、二仔在美國、細仔就在香港。

「在香港生，一來媽咪喺度，可以照顧我，二來，可以證明我對香港有信心。」

由於BB在香港出世，AGNES家人又在香港，所以呢個BB可以話萬千寵愛在一身。

十月九日至十四日是日本學校假期，兩個哥哥雖然好唔捨得咁離開細佬，但九號就會再來探過BB。金子力特別買了一隻金鼠送給愛子。

月尾回日擺酒

由懷孕至生產，陳美齡足足重了卅八磅，她更笑説現時都不敢上鏡，怕會嚇親，但看她一副幸福的樣子，體重又算是甚麼呢！

説到替兒子改名，又有一段小插曲。陳媽媽話，如果BB十月一日出世，都會改名為國慶，唔知係咪真呢！

陳美齡是天主教徒，等到BB較大些，亦會為他洗禮。AGNES因為掛住兩個兒子，所以打算未坐完月，約十月尾就會飛返日本照顧家人。

在日本，陳美齡有一定的知名度，她亦預計返回日本時，會有很多歡迎儀式。

中國人就話會為BB擺滿月酒，至於日本方面，雖然沒有這一套，但就有其他更多的慶祝，例如命名日、食嘢日(與親戚朋友大食一餐。)由於今胎與二哥已經相隔七年，AGNES話回到日本，都唔記得要做啲乜嘢，到時人哋話咁就咁。有沒有打算再追個女？

「唔會囉！三個夠囉！」

陳媽媽在旁説：「夠啦！生仔咁辛苦！」

其實，今次陳美齡原本亦沒有計劃生BB的，誰知就來個意外驚喜，話唔定將來，唔聲、唔聲，再來一個驚喜也不定。

「已經好耐冇抱過過咁細嘅BB，感覺好得意，相信屋企人會特別錫佢。」陳美齡笑得甜絲絲。

陳美齡擁有事業及美滿的家庭，見她手抱BB時，那種甜蜜的笑容，足以令人感受到她確實是位幸福的女人。

訪客，如果你要檢視本文章隱藏內容請回覆

最后的乐园

三八婦女節特別分享第二篇！

最后的乐园

這篇文章有些不是書面語，可能理解上稍有難度，請 @花前月下星雨 有空做下大致講解

最后的乐园

這次兩篇文章都是講金子協平，報導也有些相似，陳媽媽的衣服應是同一件。

最后的乐园

選自「城市周刊」第673期

花前月下星雨

最后的乐园 發表於 2014-3-8 00:04
這篇文章有些不是書面語，可能理解上稍有難度，請 @花前月下星雨 有空做下大致講解 ...

“陳美齡追女唔成再添丁”------这个标题的意思是：“陈美龄想生女儿不成，反倒再生一个男孩”。

最后的乐园

花前月下星雨 發表於 2014-3-9 14:52
“陳美齡追女唔成再添丁”------这个标题的意思是：“陈美龄想生女儿不成，反倒再生一个男孩”。
...

好的

花前月下星雨

「媽咪話叫定平，即係安定、和平咁解，我哋重諗咗個叫協平，因為第三個仔，所以揀有三個力字，又可以解協助和平。」

------「妈妈说叫定平，即安定、和平之意，我们还想了另外一个名字叫協平，因為是第三個儿子，所以挑选有三個力字，又可以解释为協助和平。」

花前月下星雨

呷醋------吃醋。

花前月下星雨

由於定平這個名用日文發音唔多好聽，而協平個名就夠響亮，所以AGNES話多數會用協平呢個名。

------由于定平這個名字用日文發音不怎么好听，而協平这個名字就夠響亮，所以AGNES说，多數會用協平这個名字。