今年是陳美齡（Agnes）入行40周年紀念，現年58歲的Agnes仍然保持皮光肉滑，身材同樣貌跟20年前分別不大，而嫁去日本多年，索媽強調從來無整過容：「未試過（整容），暫時真係唔夠膽，但唔敢講5年後會唔會咁做，因為我都貪靚。」她自揭駐顏方法，「最緊要開開心心咁過每一天！最開心今年年初完成長達5年抗癌服藥期。」一場大病，令向來惜福的陳美齡更珍惜每一天 Agnes接受有線奇妙娛樂台《星級會客室》訪問時，向主持汪曼玲重提於07年證實患上乳癌時非常恐懼：「有一日我覺得右胸有粒，好似紅豆咁細粒，所以搵醫生檢查，醫生遲遲唔搵我睇報告，我老公忍唔住，自己打畀醫生，證實真係癌症。去見醫生車程中我好驚，喊住不斷問『點解係我？』，老公金子力竟好惡咁叫我唔好喊：『喊乜？係整定，要死話，你死啦，即係唔使你死啦。』」老公咁「兇惡」反而提示她要努力抗癌，經手術和電療後，便展開為期5年服藥期。而要服用抗女性荷爾蒙藥令Agnes好痛苦，因為副作用好厲害，更令到她提早更年期，不斷出汗外，面頰發腫，好辛苦！終於在2013年年初完成五年服藥期，Agnes興奮得即與家人到夏威夷旅行慶祝。 好想抱孫 陳美齡病發初期向天主祈禱，希望天主能多給她5年時間去見證兒子成長，五年過去，陳美齡坦言她「後悔」沒有向天主祈求更長壽命：「我今年諗住同天主講，希望睇到個孫出世，但係我講唔出，因為我深知自己已經好有福，目前無乜大計劃，只想每一日都盡量令身邊人開心。」
http://www.hkheadline.com/ent/ent_content.asp?track=news&contid=256790&srctype=n
| 
發表於 2013-10-5 20:51
發表於 2013-10-6 00:12
發表於 2013-10-7 03:34